Par NewFuels

242 km tuoli nu Reigys, 685 km nu Moskovys, 450 km nu Sanktpīterburgys i 860 km nu Varšavys, diveju strategiski svareigu magistraļu i dzeļžaceļa lineju (Reiga–Moskova i Santkpīterburga–Varšava) krystceļūs atsarūn Latvejā 7. leluokuo piļsāta Rēzekne – kur ir nūdybynuota Rēzeknis Specialuo ekonomiskuo zona, kurā veiksmeigi dorbojās 18 komercsabīdreibu.

Nu 2010. goda piļsātys industrialajā zonā dorbojās SIA „NewFuels” RSEZ – leluokais kūkaskaidu granulu ražuotuojs Latvejā ar ražuošonys kapacitati 240 000 tonnys godā.

2015.godā tyka veikta vīrieneiga ekspansija dubultoujūt ražūtnis jaudu, kai arī nūdrūšinūt īspieju, ka NewFuels var ražot gon industriālu, gon muojsaimnīceibys granulu.

Uzjāmuma pamatkapitalu (3 557 179 EUR) veidoj 100% uorvaļstu investora īlykumi, kas ir vīns nu leluokūs taisnūs uorzemu investiceju Latgolā.

SIA “NewFuels” RSEZ sovu darbeibu veic atbilstūši augstuokijom industrejis praseibom i ir sajāmusa vysus vajadzeigūs kvaļitātis sertifikatus – SBP (Sustainable Biomass Program), EnPlus A, GGL (Green Gold Label) i FSC® (Forest Stewardship Council, FSC-C131356).

Adresa: Atbrīvošanas aleja 169a, Rēzekne, LV-4604.

Uzjāmuma mierkis ir ražuot ekologiski teiru i ekonomiski izdeveigu energejis olūtu, ražuošonā izmontojūt meža ryupnīceibys atlykumus.

Tehnologiskīs process suocās ar lopu i skuju kūku saškiruošonu. Piec tuo molka teik skolduotuojā i jū puorstruodoj tehnologiskajā skoldā, kas teik safleikuota i atteireita no svešķermenim. Tuoļuok itū skoldu nūguodoj vīnā nu divom kaļteitivam, a skoldu nu meža ryupnīceibys atlykumu izlītoj kurtivē. Izīmūt konkretu tehnologisku procesu, materials teik presiešonys īkuortā, kur specialys presis taisa 6 mm vai  8 mm lelys granulys, kas ir tehnologiskuo procesa gola produkts.

Ražuošonys īkuortys ir saryupātys nu lobuokūs sova profila īkuortu pīguoduotuoju – 42 tonnys gryutais skolduotuojs CBI Magnum Force īguoduots nu „Continental Biomass Industries, Inc.” (ASV). Jū darbynoj 800 KW elektrodziniejs i juo jauda ir da 300m3/h skoldys.

Fleikeru pīguodotuojs ir “Maier” (Vuoceja) i tū kūpejuo jauda nūdrūšina visai ražuotnei vajadzeiguos izejvīlys kvaļitativu sagatavuošonu.

Gondreiz 100 m garuos lentys kaļteitivis pīguoduotojs ir “Swiss Combi” (Šveice) i tuos jauda ir leidz 14 t/h izkoltātuo materiala. Syltumu nūdrūšina saisteituo uzjāmuma SIA “Energy Resources CHP” RSEZ biomasys koģeneracijis staceja.

Rotora kaļteitive ir nu „Vandenbroek International” (Niderlaņde) i juos jauda ir da 17 t/h izkaļteituo materiala. Kaļtiešonai napīcīšamais syltums ražuots 17 MW „Järnforsen Energy System AB” (Zvīdreja) ceplī, kur kai kurynamais izmontuota skolda nu zoru.

Tuoluokajā procesā materialu maļ i granulej, izmontojūt CPM („California Pellet Mill”) ražuotuos īkuortys divuos atsevišķos ļinejuos. Golvonū apreikuojumu sovā storpā savīnoj PST konveijeri. Kūpejuo ryupneicys granulu ražuošonys jauda ir da 33 tonnom granulu stuņdē.

Ražuošonys procesā pīsadola apreikuojums nu taidu firmu kai NEDERMA i MORILLON.

Ryupneica atbylst vysaugstuokojom drūšeibys praseibom: ir uzstuodeitys FIREFLY (dzierksteļu atrasšona i dziesšona) i BUTTNER (ugunsdrūšeiba) sistemys.

“NewFuels” struodoj VOLVO i LIEBHERR frontalī īkruovieji i hidromanipulatori, materiala puorvītuošonai teik izmontuota automašiņa SCANIA.

Gotovuos kūksnis granulys salosa silosūs i tuoļuok transportej iz ūstom, izmontojūt dzeļžaceļa pakaļpīņus.

 

 

Uzjāmuma ražūtnē ir nūdarbynuoti 61 “NewFuels” i 11 “Energy Resources CHP” darbinīki. Pastarpynuoti nu uzjāmuma darbeibys lobumu giust daudzi vītejī uzjiemieji, kuri pīguodoj izejmaterialus, ražūtnis darbeibai napīcīšamūs instrumentus, apguodoj ar saimnīcyska rakstura pakaļpīnim, tehniski apkolpoj.

“NewFuels” RSEZ SIA izceinieja gūdpylnū pyrmo vītu konkursā „Eksporta un inovacejis bolva 2017” nominacejā Latvejas „Eksportspiejieguokais komersants” 2017.godā! Kūpā ar golvonū bolvu mes sajāmem ari sertifikatu par konkursa logotipa izmontuošonu mārketinga nūlyukūs.

Sertifikati:

NewFuels
CHP