Mes esom lepneigi paviesteit, ka Rēzeknis specialuos zonis (RSEZ) Goda bolvis konkursā par 2012.goda darbeibys rezuļtatim videjū komercsabīdreibu grupā apbalvojums pīškierts „NewFuels” RSEZ SIA.
Sandra Ežmale PKI “Rēzeknes SEZ pārvalde” puorvaldņīce:
„Pašvaļdeibu kūpeiguos īstodis „Rēzeknis specialuos zonis puorvaļda” RSEZ komercabīdreibu Goda bolvis mierkis ir atzineigi nūvērtēt i gūdynuot sekmeigokūs komersantus, izvērtejūt uzjāmumu paguojušo goda darbeibys rezuļtatus, t.sk. veiktuos investicejis ražošonys uzlobuošonā, saražotuos i eksporātuos produkcejis apjūmus, nūmoksuotū nūdūkļu apjūmu, utt. Konkursa „RSEZ komercsabīdreibu goda bolva” vērtēšonas komisejā šūgod beja delegieti puorstuovju nu RSEZ Uzraudzeibys padūmis, Latvejis Dorba devieju konfederacijis i Rēzeknis piļsātis i nūvoda Treispusejuos konsuļtativuos padūmis.
Kūka granulu ražūtnei „NewFuels” RSEZ SIA apbalvojumi pīškierti vairuokuos nominacejous – „Goda ražuotuojs”, „Leluokais nūdūkļu moksuotuojs”, „Leluokais eksportātuojs”. Uzjāmums ir trešais leluokais kūkskaidu granulu ražuotuojs Latvejā, godā saražoj 120 tyukstūšus tonnu, kas tīk eksportātys da Zvīdrejai i Europys Savīneibys vaļstim. 2012.godā saražuota produkceja Ls 7,985 milj. vierteibā, nūdūkļūs samoksuoti Ls 805 tyukstūši, uzjāmumā nūdarbynuoti 27 darbinīki, struoduojošū videjuo dorba aizmoksa uzjāmumā puorsnīdz videjūs dorba aizmoksys ruodejumus regionā. Uzjāmums ražoi ekologisku produkceju, īvārojūt vysus ilgtspiejeibys kriterijus, apleicei i cilvākam draudzeigys saimnīkuošonys principus, kū aplīcyna tautvideigai pīzeiti akreditacejis instituceju sertifikati.”
Ziņas