Nu 2023. goda 20. da 22. apreļa Edgars Ratnīks, kogeneracejis stacejis “Energy Resources CHP” RSEZ SIA operators, pīsadaleja Leitovys pauerliftinga čempionatā (spāka treissceiņa).

Piec puors godu pauzis, COVID aizlīguma deļ, jis ir atsagrīzs lelajā sportā.

Starts beja veiksmeigs – 1. vīta sova svora kategorejā, ar rezuļtatu 760 kg disciplinu summā.

Absolutajā viertejumā storp vysom svora kategorejom Edgars Ratnīks izceinēja augstū 3. vītu.

Sveicam Edgaru i vielejam jam veiksmi turpmuokajā karjerā!

Šūgod nu 05. – 07. augustam nūtyka Riezeknis pilsātys svātki, kuri ītvarūs nūtyka tradicionalais organizaceju i īstuožu svātku guojīņs “Īlyudz Riezekņa”. “NewFuels” RSEZ SIA i “Energy Resources CHP” RSEZ SIA šūgod guojīņī pīzadalie apvīnuotiejā Riezeknis specialuos ekonomiskuos zonys komandā, kas tyka izveiduota par gūdu RSEZ 25 godu jubilejai. Jauki, ka myusu uznāmumu darbinīku skaitu kuplynuoja i jūs gimenis. Prīks par kūpā byušonu i tiksimēs nuokamiejā godā!

“NewFuels” RSEZ SIA ar leluokū prīku atbolsta jaunūs talantus, dieļ tuo i ituos vosorys izskaņā mes bejam pagūdynuoti pīsadaļeit Reigys volejbola školys/Latvejis Universitatis volejbola komandys treniņnūmetnis organizeišonā.

RVS/LU komanda jau augusta suokumā suoka gatavuošonūs jauniejai sezonai, fiziskū bāzi nūstyprynojūt Reigā, bet paguojušajā nedelī, nu 23. da 29. augustam, aizvadieja treniņnūmetni Riezeknī (OCR) sporta bāzī, nūsleipejūt tehniskū meistareibu. Itys komandai beja nūslādzūšīs pūsms, gatavojūtīs jauniejai volejbola sezonai, kurymā paradzāts startēt vysuos augstuokuo līmeņa Latvejis sacenseibuos, kai i Baltejis Volejbola līgā i CEV izaicynuojuma kausā.

Itymā breidī Reigys Volejbola školā struodoj 22 profesionaluos īvirzis i 3 interešu izgleiteibys treneri, pi kurim trenejās 639 audziekni. Treneņi nūteik dažaidūs Reigys rajonūs gon meitiņom, gon zānim. Vysi audziekni regulari pīzadola dažaida līmeņa sacenseibuos gon Latvejī, gon uorpus tuos rūbežom.

RVS/LU komanda ir veidota nu talanteigiekajom vysu treneru audzieknem, veidojūt Reigys Volejbola školys izlasi. 2020. gada septembrī tyka nūslāgta sadarbeiba ar Latvejis Universitati, dieļ tuo komandai pīzavīnuoja ari talantīguokuos LU komandys spielietuojis. Pyrms puors godim komanda suoce startēt nu pošys apakšys – pīzadalieja Entuziastu Volejbola līgā. Ar kotru godu snīgums uzalobuoja i tyka izvirzeiti arvīn jauni, ambiciozuoki mierki. Pādejūs godu laikā komanda ir izceiniejuse uzvarys gon Latvejis čempionatā volejbolā, gon Latvejis Kausā volejbolā, gon i uzvariejuse Baltejis līgys sacenseibuos volejbolā.

Reigys volejbola škola vairuokys raizis ir atzeita par Latvejis lobuokū sporta školu, kura realizej volejbola programmu, Latvejis Volejbola federacejis reikuotiejā konkursā, taipat vairuoki treneri atzeiti gon par lobuokīm gon puišu, gon meitiņu, gon lobuokīm jaunīm trenerim. Komandys golvonīs treners jer Andrejs Odinokovs, a juo asistents – Pāvels Seļivanovs. Andrejs jer saleidzynūši jauns treners, ar lelu entuziasmu gribeišonu apgiut vysu jaunū i nūdūt tū i komandai, a Pāvels jer volejbola legenda, jis kai spieļuotuojs izceiniejs vysys augstuokuo līmeņa trofejis pasaulī – Olimpiskīs čempions, Pasaulis i Eiropys čempions.

Treneņnūmetnis nūslāgumā nūtyka draudzeibys spieļa ar Igaunejis komandu – Audentas SG. Itei jer komanda, kurā sapuļceitys vysys jaunuos, talanteiguos Igaunejis volejbolistis, kurys ikdīnā dzeivoj i trenejās kūpā – sporta internatā. Obejuos nūslāguma spieļuos uzvarieja RVS/LU volejbola komanda (sastdiņ – 3:1, svātdiņ – 3:2).

Sirsneigi sveicam komandu ar uzvaru i nūvielejam i turpmuokus panuokumus jainiejā sezonā!

Taipat grybam pazateikt par atsauceibu treniņnūmetnis reikuošonā Riezeknis piļsātys dūmei, Olimpiskajam centram Rēzekne, vīsneicai “Restart”, kai i AS “Rēzeknes dzirnavnieks”, SIA “Latgalija” i SIA “Ceļi un tilti”, ar kurūs dūtū atbolstu treniņnūmetni izadeve nūorganizeit par breiniškeigu i naaizmierstamu nūtykumu.

Asam patīsi prīceigi i gondareiti par īspieju šūgod atbaļsteit jaunūs volejbola talantus nu Reigys volejbola školys RVS/LU komandys.

Reigys Volejbola škola ir dybynuota 1971. godā. Itymā breidī školā struodoi 22 treneri, kas trenei gon pludmalis, gon klasiskū volejbolu. Nūdarbeibys nūteik vysūs Reigys rajonūs, jimuos volejbola prasmis apgiust vairuok nakai 500 audziekņu.

RVS/LU komanda ir veidota nu talanteigiekajom vysu treneru audzieknem, veidojūt Reigys Volejbola školys izlasi. 2020. gada septembrī tyka nūslāgta sadarbeiba ar Latvejis Universitati, dieļ tuo komandai pīzavīnuoja ari talantīguokuos LU komandys spielietuojis. Pyrms 5 godim komanda suoce starteit nu pošys apakšys – pīzadalieja Entuziastu Volejbola līgā. Ar kotru godu snīgums uzalobuoja i tyka izvirzeiti arvīn jauni, ambiciozuoki mierki. 2019./2020. goda sezonā komanda izceinieja uzvaru gon Latvejis čempionatā volejbolā, gon Latvejis Kausā volejbolā, gon uzvarieja Baltejis līgys sacenseibuos volejbolā. Vysi it panuokumi tyka izceineiti nazaverūt uz tū, ka leluokuo daļa komandys vēl nabeja sasnāguse 18 godu vacumu. Gon īprīkšejā, gon itymā sezonā RVS/LU beja vīneigā Latvejis komanda (gon sīvīšu, gan veirīšu), kas startieja prestižajā CEV Izaicynuojuma kausā volejbolā.

Komandys golvonīs treners ir Andrejs Odinokovs, bet trenera asistents – Pāvels Seļivanovs.

Nūvielejam komandai veiksmi, arvīn jaunus sasnīgumus i uzvarys!

Mes pīkreitam teicīņam “vasalā mīsā – vasals gors” i dūmojam, ka fiziskuos aktivitatis labvieleigi ītekmej kūpeigū veseleibys stuovūkli i dzeivis kvalitati, dieļ tam ar leluokū prīku atbolstam Olimpiskuo centra Rēzekne muļtifunkcionaluos hallis atkluošonu.

Bejom pagūdynuoti par aicynuojumu pīsadaleit Olimpiskuo centra Rēzekne arenys atkluošonys pasuokumā, kas nūtyka 2020.goda 19. septembrī.

Pasuokums suoceis ar svineigiejom uzrunom, kod kluotasūšūs sveice Riezeknis piļšatys dūmis prīkšsādātuojs Aleksandrs Bartaševičs, Latvejis Republikys Izgleiteibys i zynuotnis ministre Ilga Šuplinska, Latvejis Olimpiskuos komitejis prezidents Žoržs Tikmers i cyti.

Olimpiskīs centrs Rēzekne kotram apmekleituojam dūd īspieju pīsavierst veseleigam dzeivisveidam i veidoj platformu, kurā pylnveiduotīs, lītdereigi pavadeit breivū laiku i atsapyust.

Jaunatkluotuos daudzfunkcionaluos sporta zālis golvonū āku veidoj zāle ar tribinem (620vītys), kai i lada arena ar tribinem (529 vītys).

Nūvielejam Olimpiskiejam centram naapsastuot pi sasnīgtuo i turpynuot atsateisteit, lai prīkšā vēļ jauni projekti, līliski sasnīgumi i naaizmierstami pasuokumi!

29. – 30.08. apvīnuotuo “NewFuels” RSEZ SIA i “Energy Resources CHP” RSEZ SIA komanda ar nūsaukumu “DavaiGribi” pīsadalieja laivuošonā pa Dubnu. Divuos dīnuos komanda 8 cylvāku sastuovā pīvārieja 32 km garu distanci! Itys pasuocīņs vēļ cīšuok salīdieja jau tai draudzeigū kolektivu, styprynuoja goru i uzlobuoja kotra daleibnīka ūmu. Pasateicam uzjāmumu vadeibai par atbolstu i ceram, ka leidzeigi pasuocīņi nuokūtnī taps par lobu tradiceju!

23.08.2020. dobys parkā Tērvete nūtyka sacenseibys “Spreideiša vuorda dīnys izcīņa” svoru stīņa vilkmī no zemis i stīņa spīšonā guļus. Par uzvaru sacenseibuos ceiņājās spākaveiri nu vysom trejom Baltejis valstim. Gūdolguotūs sportistu vydā beja i koģeneracejis stacejis “Energy Resources CHP” RSEZ SIA operators Edgars Ratnīks, kurīs ar rezultatu 220 kg īgiva absolutū 3.vītu stīņa spīšonā guļus! Vilkmī nu zemis jis īgiva gūdpylnū 4.vītu ar rezultatu 315 kg. Pec poša Edgara saceituo, dīmžāl, vacuos traumys par sevi lyka maņāt, tamdieļ jis navarieja sazagatavuot sacenseibom tik labi, kai byutu gribiejīs.

Edgars pazasoka uzjāmuma vadeibai par moralū i materialū atbolstu, kas dūd jam atsateisteit, tapt vēļ spieceiguokam i puorstuovēt sovu vaļsti i myusu uzjāmumu dažaiduos, tymā skaitā i starptautiskuos saceņseibuos. Mes nu sovys pusis asam ļūti prīceigi par Edgara sasnāgumim i n’yvielejam jam naapsastuotīs sovā ceļā iz panuokumim!

Nu 19. – 21.oktobrī Sankt-Pēterbugā nūtyka Austrumeiropas čempionats pauerliftingā, kurā pīsadalieja Edgars Ratnīks, “Energy Resources CHP” RSEZ SIA operators. Nazaverūtīs iz traumu, jis izceikstieja 2 zalta medalis ar rezultatu 215 kg stīņa spīšonā guļus i 315 kg vilkmī!

Mes nūvielejam Edgaram vysdreižoukū īsaveseļeišonūs i jau tai augstūs rezultatu uzloboušonu!

Nu 2018.gada 4. da 7.oktobrim Edgars Ratnieks, koģeneracejis stacejis “Energy Resources CHP” RSEZ SIA operators, pīsadalieja Pasaulis čempionatā pauerliftingā Moskovā. Svora kategorejā 110 kg jis pīsadalieja 3 disciplinuos: Spāka divcīņa, svoru stīņa spīšona guļus i viļkme nu zemis.

Absolutiejā viertiejumā starp vysom svora kategorejom Edgars Ratnīks izceikstieja augstū 3.vītu ar itaidim rezultatim: viļkme nu zemis – 320 kg, svoru stīņa spīšona guļus – 220 kg!

Pats Edgars atzeist: “Konkurence beja cīši spieceiga, Čempionatā pīsadalieja cīši daudzi sportistu nu dažaidom valstim. As izceikstieju 4 medalis. Raugu ar gūdu puorstuoveit myusu valsti i uznāmumu, kurymā as struodoju. Grybu izsaceit lelu pateikšonūs Valdis prīkšsādātuojam Roman Vdovychenko par dūtū atbolstu i īspieju piļneiguotīs i sasnēgt sovus mierķus!”

Mes sveicam Edgaru i vielejam jam veiksmi tuoļuokajā karjerā!

Ar “NewFuels” RSEZ SIA finansialu atbolstu 2018.goda jūlī nūtyka Eiropas jaunīšu parlamenta (EYP) 29. Regionaluo seseja Piņķi’18. Šūgod sesejā pīsadalieja vairuok nakai 130 jaunīšu no vairuok nakai 15 valstim i itei beja vysstarptautiskuokuo no EYP sesejom šūgod.

Piņķi’18 laikā nūtyka treis golvonī pasuokumi:

Komandas salīdeišona, kas ir ļūti svareiga konferencis daļa, i nūsoka, cik labi komandas daleibnīki spēs sasadorbuotīs sovā storpā. Saleidzynūši eisuos sesejis dieļ un tuodieļ, ka daleibnīki vīns ūtru napazeist, ir svareigi, lai jī īpazeitūs pec īspiejis uotruok i vareitu diskuteit par izvirzeitū problemu i atrast tai radūšu rysynuojumu.

Komitejis dorbs beja konferencis daļa, kuras laikā daleibnīki centēs detaliteiti izprast problemu i atrast tūs īspiejamu rysynuojumu. Tys beja ryupeigs dorbs, kur svareiga beja ikvīna daleibnīka pīsadaleišonuos. Pyrms konferencis tyka īteikts veikt problemas pietiejumu, kurīs tyka paplašynuots Komitejis dorba laikā. Itys pietiejums ir vīns nu svareiguokajim Komitejis dorba uzdevumim, taipat kai diskusejis i pīduovuotūs rysynuojumu nūvierteišona.

I, vysabeidzūt, Ģeneraluo asambleja, kuras laikā komitejis prezentieja sovus problamas rysynuojumus i atbiļdieja iz cytu komiteju daleibnīku vaicuojumim. Tys deve īspieju vysim daleibnīkim padziļinuoti saprast problemas byuteibu i kritiski nūvierteit cytu cylvāku dorbu.

Piņķi’18 laikā nūtyka ari tik jauks pasuokums kai TechTalks. Itei diskudeja ļuove daleibnīkim parunuot par inovatīvuos Eiropas nuokūtni i paplašynuot sovu paziņu lūku ar IT ekspertim.

Turpynojūt tradiceju atbaļsteit sporta kusteibu Latvejā, “NewFuels” RSEZ SIA i “Energy Resources CHP” RSEZ SIA RSEZ SIA kuortejū raizi i snīguši finansialu atbolstu nu jau Eiropas leimeņa futbola pasuokumam.

Sastdiņ, 2018.goda 5.majā, nūtyka pyrmais Eiropas korporativuo futbola kausa etaps. Turnirā pīzadalieja komandas nu Latvejas, Lītuvas, Igaunejas, Pūlejas, Krīvejas i Boltkrīvejas.

Par aktivu īguļdiejumu i izilu organizaceju vielejamēs pazateikt apsardzis uzjāmuma “STRONG” vadeituojam i “Latvejas korporativuos sporta turniru organizacejas” prezidentam Sergejam Ščegoļevam.

Ar prīku i iz prīkšu aktivi pīzadaleisim sporta atteisteibā i veicynuosim juo izplateišonūs kai uzjiemiejdarbeibas vidī, tai i uorpus juos!

Nu 2018.goda 27. da 30.apreļam Moskovā nūtyka Eiropas čempionats pauerliftingā, kurā pīsadalieja Edgars Ratnīks, “Energy Resources CHP” RSEZ SIA operators. Sacenseibuos pīsadalieja 2600 sportisti nu 19 valstim. Edgars startieja spāka divcīņā: stīņa spīšona guļus i vilkme nu zemes svora kategorejā 110 kg. Stīņa spīšonā guļus jis izceinieja lobuokū sacenseibu rezultatu – 217,5 kg, vilkmī – 325 kg. Dīmžāl, kuojis trauma nadeve Edgaram paceļt 335 kg, dieļ tuo kūpviertiejumā ar rezultatu 542.5 kg jis dabuoja 2.vītu i 3.vītu vilkmī.

Edgars Ratnīks soka: “Ituos sacenseibys beja muns mierkis, iz kurū as tīcūs jau vairuokus godus. Ar itū rezultatu as izpiļdieju Starptautiskuo sporta meistara normativus. Sacenseibys beja cīši augstā leimenī i as asu cīši prīceigs, ka varieju jimuos pīsadaleit, puorbaudeit sovus spākus, īpazeitīs ar sportistim no cytom Eiropas valstim. Itys čempionats motivieja mani turpmuokajam, i as plānoju atjaunuot sovus spākus i veseleibu, lai sazagatovuotu Pasaulis čempionatam, kas nūtiks novembrī.

Grybu pasateikt Roman Vdovychenko, “Energy Resources CHP” RSEZ SIA Valdis prīkšsādātuojam par pastuoveigu moralu un materialu atbolstu. Ceru i iz prīkšu pīsadaleit sacenseibuos ar myusu uzjāmuma vuordu.”

Mes asam cīši lepni par Edgara rezultatiem i vielejam jam naapsastuotīs pi sasnīgtuo!

Itymuo goda 9.decembrī Dobelī nūtyka Latvejis atkluotīs čempionats spāka treiscīnī.

Par absolutū čempionu svora kategorejā 110 kg kliva Edgars Ratnīks, kas itymuos sacenseibuos uzlobuoja 3 Latvejis rekordus:

• Stīņa spīšsona guļus – 216 kg,
• Viļkme – 323,5 kg,
• Treiscīņis kūpejīs svors – 799,5 kg.

Nu vysas sirds prīcojamēs par myusu kolegas i Latvejis rekordista uzvarom i jaunajīm sasnīgumim sportā. Turēsim eikšus par Edgara panuokumim i tuoļuok!

Par gūdu Latvejis Republikas proklameišonas 99.godadīnai 2017.gada 18.novembrī pyrmū raizi valsts viesturī nūtyka Latvejis atkluotīs čempionats spāka divcīņī.

Sacenseibuos pīsadalieja na tikai Latvejis sportisti, bet ari puorstuovi nu Lītovas i Igaunejis.

Smagatletu kategorejā viers 100 kg myusu kolega Edgars Ratnieks izceinieja 4.vītu kūpviertiejumā, kai ari uzstuodieja Latvejis rekordu vilkmī – 310 kg.

Apsveicam Edgaru ar kuortejīm sasnīgumim sportā i lepojamēs ar juo panuokumim!

Turpinojūt tradiceju pīzadaļeit i atbaļsteit sporta pasuokumus, uzjāmumi “NewFuels” RSEZ SIA i “Energy Resources CHP” RSEZ SIA sponsorieja telpu futbola “STRONG KAUSS” 10.jubilejis turniru, kas nūtyka Reigas Olimpiskajā centrā 2017.goda 30.septembrī. Bez Latvejis uzņiemiejdarbeibas puorstuovim turnirā pīzadaļie ari Boltkrīvejis, Krīvejis, Igaunejis i Lītuvys komandys.

Reigas Tierguošonas i industrejas kameras (RTRK) komanda kapteiņa Roman Vdovychenko vadeibā Biznesa ligas 8 komandu konkurencī dabuoja 3.gūdalgotū vītu, sajemūt gūdpilnū bronzas medaļu.

Taipat kai īprīkš, golvonīs turnira organizators sadarbaibā ar Reigas Futbola federaceju (RFF), beja apsardzis uzjāmums “STRONG” ar tuos vadeituoju Sergeju Ščegoļevu, kuram grybam izteikt lelu pateiceibu par līliski veiktū organizatoriskū dorbu.

Mes grybam pasateikt ari RTRK komandys daleibnīkim par kūpeigū spieli i apsveikt ar 3.vītu iz gūda pjedestala!

Byusim prīceigi sasatikt cytā turnirā!

22.septembrī Reigys Olimpiskajā sporta centrā “ELEKTRUM” ar telpu futbola Latvejis Superkausa 2017 maču telpu futbolā tyka atkluota jaunuo, 2017.goda telpu futbola sezona.

Suokūt ar itū sezonu “NewFuels” RSEZ SIA ir perspektivys Riezeknis telpu futbola komandys – “TFK RĒZEKNE” (http://www.rezekne-tfk.lv) – sponsors.

Byusim prīceigi i tuoļuok veicynuot itaida leidzīņa pasuokumus i aicynojam darbinīkus atbaļsteit “TFK RĒZEKNE” komandu tuoļuokojūs mačūs!

Grybam izsaceit pateiceibu kluba “TFK RĒZEKNE” īstateituojam i golvonajam treneram Vitālijam Voskānam par īguļdeitū dorbu i telpu futbola kusteibys raisteibu Latvijā.

Video (īgiutī vuorti, mača mirkļi):

http://sportacentrs.com/futzals/22092017-nikars_parspej_rezekni_un_izcina_ltfa_sup

Sportacentrs video (pylns mača īroksts):

http://sportacentrs.com/futzals/22092017-ltfa_superkauss_telpu_futbola_fk_nikars_t

Komandys muojis lopa oficialajā kluba teiklavītā:

http://www.rezekne-tfk.lv/?q=node/627

Maja soukumā Boltkrīvejis piļsātā Grodno nūtyka 2. atkluotīs Boltkrīvejis bezekipiejuma pauerliftinga federacejis čempionats.

Osā ceikstīņī myusu darbinīks, koģeneracejis stacejis “Energy Resources CHP” RSEZ SIA operators Edgars Ratnieks, izceikstieja 2.vītu disciplinā svoru stīņa spīšona guļus, kai ari uzstuodieja sovu personeigū rekordu – 210 kg, taidā veidā izpiļdūt sporta meistara normativu.

Junī Edgars pīsadaļieja Daugavpilī nūtykušajā Latvejis čempionatā svoru stīņa spīšona guļus, kur iz gūda pjedestala ījāme 1.vietu svora kategorejā 105kg.

Mes asam lapni par Edgara sasnīgumim i vielejam uzvarys ari nuokūtnī!

Turpynojūt sporta pasuokumu atbalsteišonys tradiceju šūgod myusu uzjāmumi “NewFuels” RSEZ SIA i “Energy Resources CHP” RSEZ SIA kļiva par ikgadejuo tenisa turnira veiru puoru mača „NewFuels La Rocca Open”, kas nūtyka no 21.-22.juļam, titulsponsoru.

Itymā pasuokumā pīsadalieja 22 puori kategorejā Profesionalis+Amaters.

Gūda vīss – taišnuok, vīse – beja pati „Rolland-Garros 2017” uzvareituoja reidzineica Aļona Ostapenko, kura personeigi padeve bolvys čempionim un medaļnīkim.

Turnira organizatori izsacieja dziļu pateiceibu vaļdis prīkšsādātuojam Roman Vdovychenko i myusu uzjāmumim “NewFuels” RSEZ SIA i “Energy Resources CHP” RSEZ SIA: „bez kurim turnirs nasasnīgtu tik augstu leimeni, kaidā ņiu ir pasacielīs!”, pastreipuoja turnira organizeituoji Jevgeņija Sotikova personā.

NewFuels La Rocca

„Nāc un airē!” – ar taidu saukli Reigys kanalā jau 14.raizi nūtyka aireišonys sporta svātki, kū organizieja sporta klubs „Bruoļi Klementjevi”. Symtim cylvāku puļciejuos pi Nacionaluos operas ākys, lai izmieginuotutu sovus spākus itymuos sarežģeitiejuos i naporostojuos sacenseibuos.

Sacenseibys nūtyka smaileišu, kanoe i 12-vīteigūs laivu Voyager 150 un 200 m distancēs. Meistarsaceikšuos pīsadalie vairuoki dasmyti daleibnīku komandu. Reigys Tierdznīceibys i Ryupnīceibys kamerys komanda, kurā pīsadaļie vaļdis prīkšsādātuojs Roman Vdovychenko i vaļdis prīkšsādātuoja vītnīks Orest Benko, īkļuva lobuokūs pīcinīkā!

Aktīvi pīzadolūtīs itaidūs sporta pasuokumūs mes veicam īguļdiejumus sporta vidī un veseleigā dzeivisveidā!

Rēzeknis piļsātys ītvarūs 2017.goda 5.augustā Rēzeknī nūtyka nu jau par tradiceju kļivušais teatralizeitais Rēzeknis uzjiemieju, bīdreibu, organizaceju, īstuožu i kolektivu guojīņs. Šūgod guojīņa tema beja “Kino mistereja”. Arī uzjāmumi “NewFuels” RSEZ SIA i “Energy Resources CHP” RSEZ SIA pyrmū raizi pīsadalieja itymā skaistajā pasuocīņī i ar sovu kluotumu dapiļdieja daleibnīku skaitu. Lels paļdis vysim dareituojim i jūs saimu daleibnīkim par īzasaistiešonūs i daleibu svātku nūrisī!

Pasateicam Rēzeknis piļsātys dūmei i prīkšsādātuojam Aleksandram Bartaševičam, kai ari Rēzeknis Kulturas i Turisma centram par svātku organizeišonu! Paļdis ari fotografim Aleksandram Tolopilo un Sirokez par skaistajom biļdem!

Mes prīcojamēs snīgt īguļdiejumu na tikai Latvejis komercdarbeibā, bet arī atbolstam sportiskū vidi i pasoucīņus.

2017.goda 1.apreļī Reigas Olimpiskajā centrā nūtyka telpu futbola turnirs “STRONG KAUSS”, kura golvonīs organizators ir apsardzis uzjāmums “STRONG” sadarbeibā ar Reigas Futbola federaceju (RFF). Turnirā pīsadalieja Latvejis komercdarbeibu puorstuovūšys komandys, kai ari cīmeņi nu Igaunejis, Lītovas, Ukrainas, Krīvejas i Boltkrīvejas.

Šūgod Reigas Tierguošonas i rūpneiceibas kameras (RTRK) komandas atspaidnīks beja “Energy Resources CHP” SIA RSEZ, sovutīs uzjāmuma vaļdis prīkšsādātuojs Roman Vdovychenko vadieja mineitū Reigas Tierguošonas i rūpneiceibas kameras (RTRK) komandu, kura Biznesa ligā 10 komandu konkurencī ījāme 6.vītu.

Myusu daleibas rezultati: četras naizšķiertas spielis, treis puorveices i divi zaudiejumi, kas ir lobs ruodeklis komandai, kura sasaveicīņī pīsadalieja pyrmū raizi.

Biznesa līgas komandas:

1. BIB
2. Dyninno Latvia
3. LABA
4. STAIKI (СТАЙКИ, Boltkrīveja, Minska)
5. LEC
6. BMW club (Boltkrīveja, Minska)
7. Riga Chamber (RTRK, Rīga)
8. Rīgas pašvaldības policija
9. FORTUNA (Igauneja, Tallina)
10. UIA (Ukraina, Kijeva)

Gribom saceit paļdis organizātuojim i personeigi Sergejam Ščegoļevam par breineigū turniru, i RTRK komandas daleibnīkim par īguļdeitū dorbu i labi pavadeitū laiku! Iz tikšonūs nuokamejā turnirā!

Oktobra beiguos Minskā nūtika pirmais Boltkrīvejis Pauerliftinga bez ekipiejuma federacijis kauss. Cādrā ceikstīņī sportistam riezeknītim Edgaram Ratniekam izadavuos nūkļiut iz gūda pjedestāla, dabuonūt 2.vītu ar rezuļtatu kūpsummā 782 kg. Spāka treisceikstīņa sacenseibous, svoru stīņa spīšonā guļus i vilkmē nu zemis pīsadaļie 161 atlēts (14 sīvītis i 147 veirīši) nu Boltkrīvejis, Ukrainys, Igaunejis, Latvejis i Venecuelys. Vaļ vairuok par šū nūtikumu līk myusim prīcuotīs fakts, ka Edgars ir myusu kolega – SIA “Energy Resources CHP” RSEZ koģeneracijis operators. Itymuos sacenseibuos Edgars pīsadaļie ar sova uzjāmuma finansiālū atbolstu, i īpašu paļdis jis soka SIA “Energy Resources CHP” RSEZ Vaļdis prīkšsādātuojam Romānam Vdovičenko, kas uzmundrinuoja Edgaru gon morāli, gon materiāli. Edgars Ratnieks ir sporta meistars pauerliftingā kūpš 2010.goda, vairuokkortiejs Latvejas čempions i rekordists. Lobuokī rezuļtaty kūpumā puorsnīdz 800 kg. Tai turpynuot!