2025. goda 28. oktobrī Lelbritanejis viestnīceibys Latvejā puorstuovi – Juos Majestatis viestneica Ketija Līča, biznesa atteisteibys konsultants Aldis Celms un sabīdriskū attīceibu specialiste Dace Černišova – īpasazeišonys vizitē apsavēre myusu ražūtni Rēzeknē.
Delegacejā beja ari Rēzeknis Specialuos ekonomiskuos zonys Uzraudzeibys padūmis prīšksādātuoja vītnīks Aleksejs Stecs un administracejis puorstuovis Santa Kuzņecova un Sandra Augustova.
Gostus sagaideja ražuošonys direktors Vitolds Macejs Dura (Witold Maceij Dura), kurs īpazeistynuoja ar uzjāmuma darbeibys golvonajim ruodeituojim, pastuostēja par myusu uzjāmumu “NewFuels” RSEZ SIA un “Energy Resources” RSEZ SIA atteisteibys viesturi, īpazeistynuoja ar ražuošonu, kai ari ar golvonajim sasnāgumim un nuokūtnis planim.
Sokom sirsneigu pateiceibu Lelbritanejis viestnīceibai, Rēzeknis piļsātys dūmei, kai ari Rēzeknis SEZ administracejai par interesi par myusu aktivitatem un sekmeigu tikšonūs.
Itei vizite beja nūzeimeigs sūļs storptautiskū biznesa sakaru styprynuošonā un aplīcynuoja myusu uzjāmuma atvierteibu sadarbeibai un pīredzis apmaiņai. Mes turpynojam atteistēt ražuošonu, īvīst inovativus rysynuojumus un tīcamīs iz ilgtspiejeigu izaugsmi storptautiskā leiminī.
Vizeites