2026. goda 11. junī “New Fuels” RSEZ SIA un “Energy Resources CHP” RSEZ SIA puorstuovi pīsadaleja Rēzeknis specialuos ekonomiskuos zonys (RSEZ) Komercsabīdreibu goda bolvys 2025 pasnīgšonys ceremonejā, kura nūtyka Sarkaņkolnā.
Tymā ikgadejā pasuocīnī tyka gūdynuoti RSEZ uzjāmumi par sasnāgumim uzjiemiejdarbeibā, inovaceju atteisteibā, iļgtspiejā, sadarbeibā un par īguļdiejumu regiona ekonomiskajā izaugsmē. Pasuocīņs puļcēja uzjiemiejus, pošvaļdeibu puorstuovus, sadarbeibys partnerus un gostus, lai pasavērt iz 2025. goda sasnāgumim un izceļt uzjāmumus, kuru darbeiba ir davuse byutisku īguļdiejumu Rēzeknis un Latgolys regiona atteisteibā.
Ar lapnumu informejom, ka “New Fuels” RSEZ SIA sajēme apbolvuojumu nominacejā “Goda sadarbeibys partners”, kai ari īgiva titulu “Goda videjais uzjāmums”.
Itys nūviertiejums ir nūzeimeigs aplīcynuojums myusu uzjāmuma profesionalam dorbam, iļgtspiejeigai atteisteibai un sekmeigai sadarbeibai ar partnerim un valsts institucejom. Sajimtī apbolvuojumi aplīcyna myusu komandys mierktīceibu, augstū atbiļdeibys sajiutu un spieju kūpeigim spākim sasnēgt īcarātūs mierkus.
Sokom eistynu paļdis RSEZ puorvaļdei par myusu darbeibys augstū nūviertiejumu un uzaticiešonu. Taipoš sokim paļdis sovim sadarbeibys partnerim un vysim uzjāmuma darbinīkim, kuru profesionalitate, zynuošonys un kasdīnys īguļdejums ir myusu panuokumu pamatā.
Itī sasnāgumi ir vysys myusu komandys kūpeigs nūpalns. Ari iz prīšku struoduosim ar taidu pošu atbiļdeibu, profesionalitati un apjiemeibu, veicynūt uzjāmuma izaugsmi, styprynūt sadarbeibu ar partnerim un rodūt pīvīnuotū vierteibu regiona atteisteibai.
Ziņas