NewFuels RSEZ SIA ituo goda augustā ir sajiems SURE sertifikatu (Sustainable Resources Verification Scheme).
Ar SURE sertifikata īgiušonu NewFuels RSEZ SIA aplīcynoj, ka sertifikaceja ir byutisks elements, lai nūdrūšynuotu un aplīcynuotu ilgspiejeibu biomasys nūzarē. Tei pīduovoj puorskotomu un uztycamu sistemu, kura apstyprynoj, ka biomasys produkti, kuri teik izmontuoti energejis ražuošonā, atbylst vysaugstuokajim vidis kvalitatis standartim saskaņā ar Eiropys Savīneibys Atjaunojamuos energejis direktivu (RED II/ RED III).
SURE sertifikaceja ir byutiska gon biomasys ražuotuojim, gon lītuotuojim Eiropā. Tei garantej, ka biomasa teik īgiuta un puorstruoduota ilgspiejeigā veidā, taidā veidā tys paleidz samozynuot syltumneicefekta gazu emiseju un atbolsta puorīšonu iz teiruokim energejis olūtim. Sertificeiti uzjāmumi īgiust leluoku uztycameibu, pīklivi jaunim tiergim un atbiļsteibu ES normativim, sovueiļ gola lītuotuoji var byut puorlīcynuoti par biomasys ilgspieju un kvalitati.
SURE sertifikaceja aplīcynoj, ka sertificeitajā uzjāmumā teik nūdrūšynuota:
• ilgspiejeiba: nūdrūšyna, ka biomasa teik īgiuta nu atjaunojamim resursim, samozynūt ītekmi iz vidi;
• atbiļsteiba: atbiļst styngrajim ES RED III nūteikumim, nūdrūšynūt atbiļsteibu juridiskajom praseibom;
• pīklive tiergam: paver īspiejis Eiropys un storptautiskajūs tiergūs, kas prioritizej ilgspiejeigu un sertificeitu biomasu;
• puorskotameiba: nūdrūšyna skaidru un uztycamu puorbaudis procesu biomasys īgivei un apstruodei;
• uztycameiba: palelynoj sertificeitu uzjāmumu uztycameibu nūzaris daleibnīku un īintereseitū pušu vydā.
Ziņas